15:49 - 28.11.2024

---

28 noyabr, Fineko/abc.az. Qlobal bazarda qəhvə dənələrinin qiyməti artmaqda davam edir, robusta qəhvəsi üçün yanvar fyuçerslərinin dəyəri artıq bir ton üçün 5500 dollardan yuxarı proqnozlaşdırılır.

ABC.AZ xəbər verir ki, beləliklə, noyabrın 27-nin nəticələrinə görə, robustanın yanvar fyuçerslərinin qiyməti ton başına 5545 dollar təşkil edərək 7,15% artıb. Bu səviyyə sonuncu dəfə 2008-ci ildə qeydə alınıb.

Bundan əlavə, arabika qəhvəsinin qiyməti əvvəllər ton başına 7000 dollar səviyyəsində yüksəlmişdi ki, bu da 1977-ci ildən bəri rekorddur.

Qeyd edək ki, 2024-cü ilin aprelində robusta qəhvəsinin qiyməti bir ton üçün 4000 dollardan, avqustda isə 5000 dollardan çox olub.

Mütəxəssislər qəhvə qiymətlərindəki bu artımı istilik və qeyri-bərabər yağıntılar səbəbindən Braziliyada cari ilin məhsulunda mümkün azalma ilə əlaqələndirirlər.