10:20 - 2.10.2024

---

2 oktyabr, Fineko/abc.az. Türkiyə turizminin xaricdəki təmsilçilərindən Halil Duru Azərbaycanda yeni hotel şirkəti təsis edib.

ABC.AZ-ın məlumatına görə, onun təsis etdiyi şirkət “Duru Hospitality Management” MMC-dir.

Şirkət nizamnamə kapitalı 100 000 manat olmaqla Bakı şəhəri Yasamal rayonu, Həmidağa Hüseynzadə, ev giriş 34, m. 16, 2 ünvanında qeydiyyatdadır.

Türkiyə mətbuatında iyul üzrə yayılan məlumatlarda Halil Durunun 5 ildən sonra “Qafqaz City Hotel Baku”nun Azərbaycandakı koordinatoru vəzifəsində çalışmağa başlaması bildirilmişdi.

Azərbaycanın ilk yerli hotellər şəbəkəsi olan Qafqaz hotellərinin yaradıcısı Halil Duru 11 il çalışdığı şirkət daxilində 9 hotel açaraq “Qafqaz City Hotel Baku”nun idarəedicisi olub. (Banker)