15:48 - 11.09.2024
11 sentyabr, Fineko/abc.az. Amazon Web Services (AWS) yaxın beş il ərzində Böyük Britaniyada məlumat mərkəzlərinin tikintisinə, istismarına və saxlanmasına 8 milyard funt sterlinq (10,47 milyard dollar) investisiya qoymağı planlaşdırır.
ABC.AZ xəbər verir ki, bu barədə Amerika şirkətinin açıqlamasında deyilir.
Qeyd olunur ki, bu investisiyalar Amazon-un ölkə daxilində böyümə və məhsuldarlığı dəstəkləmək üçün uzunmüddətli öhdəliklərinin bir hissəsidir. Onların 2028-ci ilə qədər İngiltərənin ümumi daxili məhsuluna 14 milyard funt sterlinq gətirəcəyi və İngiltərənin yerli müəssisələrində ildə orta hesabla 14.000-dən çox iş yerinin yaradılmasına imkan verəcəyi gözlənilir.
Şirkət bu bölgəyə ilk dəfə 2016-cı ildə daxil oldu və artıq İngiltərəyə 3 milyard funt sterlinqdən çox sərmayə qoydu.
