14:34 - 3.07.2024
3 iyul, Fineko/abc.az. Soltanlı kəndinin yenidənqurulması ilə bağlı layihəyə əsasən, azad edilmiş ərazilərdə altı minə yaxın insanın məskunlaşmasına imkan verəcək yaşayış binaları tikiləcək.
ABC.AZ xəbər verir ki, bunu Macarıstanın Azərbaycandakı fövqəladə və səlahiyyətli səfiri Tamaş Yojef Torman deyib.
“Hazırda diqqətimizi Soltanlının yenidən qurulmasına yönəldirik. Bu, mürəkkəb və irimiqyaslı layihədir, azad edilmiş ərazilərdə 6 minə yaxın insanın məskunlaşmasına imkan verəcək yaşayış binaları, həkim məntəqəsi və kommunal xidmətlər üçün məntəqələr tikiləcək”,-o qeyd edib.
Səfir vurğulayıb ki, Macarıstan şirkətləri Qarabağ regionunda, xüsusilə su və çirkab su təmizləyici qurğuların yenidən qurulması, su təchizatı şəbəkələri və yaşıl enerji layihələri ilə bağlı gələcək layihələrdə iştirak etməyə can atırlar.
