16:00 - 1.05.2024

---

1 may, Fineko/abc.az. Senatın yekdilliklə təsdiq etdiyi Rusiya uranının ABŞ-a idxalının qadağan edilməsi haqqında Qanun 90 gün sonra qüvvəyə minəcək.

ABC.AZ xəbər verir ki, ABŞ Energetika Nazirliyinin məlumatına görə, Rusiya, 90-dan çox ticarət reaktorundan Amerika parkının yanacağı üçün istifadə olunan zənginləşdirilmiş uranın təxminən dörddə birini təmin edirdi. Bunun sayəsində Rusiya onun bir nömrəli xarici tədarükçüsü idi. Bu satışlar Rusiyaya ildə təxminən 1 milyard dollar gəlir gətirir, lakin bu tədarüklərin təmin edilməsi çətin ola bilər və zənginləşdirilmiş uranın dəyərinin təxminən 20% artması riski daşıyır.
Mütəxəssislər artıq 165 dollar dəyərində mövcud spot zənginləşdirmə qiymətindən 200 dollar / ERR (zənginləşdirmə vahidi) səviyyəsinə, yəni təxminən 20%-ə qədər qiymət artımını proqnozlaşdırırlar.