14:11 - 30.04.2024

---

30 aprel, Fineko/abc.az. 2024-cü ilin aprel ayının ortalarında Nestle şirkətinin uşaq qidası istehsalında ikili standartlar tətbiq etdiyi məlum oldu. 

ABC.AZ xəbər verir ki, aşağı və orta gəlirli ölkələrə tədarük eilən məhsulların tərkibində artıq miqdarda şəkər var. Lakin İsveçrə də daxil olmaqla yüksək gəlirli dövlətlər üçün eyni məhsullar müəyyən edilmiş tələblərə cavab verir.

Public Eye və Beynəlxalq Körpələr və azyaşlı uşaqlar üçün qida Nəzarəti Şəbəkəsinin (IBFAN) mütəxəssisləri tərəfindən hazırlanan hesabatda Nestle'nin Cənub-Şərqi Asiya, Afrika və s. ayrı-ayrı bazarlar üçün nəzərdə tutulmuş qidalara "artıq" miqdarda şəkər əlavə etdiyi bildirilir. 

Şəkər əlavəsi, uşaqların formalaşan dad seçimlərinə təsir göstərə bilər və şirin qidalara olan asılılığın yaranmasına səbəb ola bilər. Gələcəkdə bu, piylənmənin inkişafına və digər arzuolunmaz nəticələrə səbəb ola bilər. 
Mütəxəssislər “Nestle”nin aşağı gəlirli ölkələrdə satdığı təxminən 150 məhsulu diqqətlə araşdırdılar. Ən yüksək miqdar Filippində satılan məhsullarda aşkar edilmişdir. Analiz edilən Nido quru süd formulalarının əksəriyyəti (bir ildən üç yaşa qədər uşaqlar üçün) əlavə şəkər ehtiva edir. Panamada satılan bir məhsulda maksimum qiymət (5.3 qram) aşkar edilmişdir. İsveçrədə və Nestle'nin satıldığı əsas Avropa bazarlarında bu cür məhsulların tərkibinə şəkər əlavə edilmir.
Eyni zamanda, 2022-ci ildən bəri BMT körpələr və üç yaşdan kiçik uşaqlar üçün məhsullara şəkər əlavə edilməsini qadağan etməyə çağırır. Məhlullarda və sıyıqlarda sərbəst şəkərlərin çox yüksək olması mütəxəssisləri ciddi narahat edir.