14:22 - 7.11.2023

---

7 noyabr, Fineko/abc.az. Yanvar-oktyabr aylarında Rusiya ilə Çin arasında ticarət illik müqayisədə 27.7% artaraq 196.48 milyard dollar təşkil edib.

ABC.AZ xarici mətbuata istinadən xəbər verir ki, Çindən Rusiya Federasiyasına 10 ayda ixrac 52.2% artaraq 90.08 milyard dollara, Rusiya mallarının idxalı isə 12.4% artaraq 106.4 milyard dollara çatıb. 

Bu barədə Çin Xalq Respublikasının Baş Gömrük İdarəsi məlumat yayıb. Məlumata görə, hesabat dövründə Rusiya Federasiyasının müsbət saldosu illik müqayisədə təxminən 53% azalaraq 16.32 milyard dollar təşkil edib. Ayrı-ayrılıqda, oktyabrda iki ölkə arasında ticarət dövriyyəsinin həcmi sentyabr ayı ilə müqayisədə 9% azalaraq 19.79 milyard dollara çatıb. Rusiyadan idxal aylıq olaraq 3.7% azalaraq 11.1 milyard dollar təşkil edib.