10:17 - 6.11.2023
6 noyabr, Fineko/abc.az. Məşhur türkiyəli iş adamı, jurnalist Acun İlıcalı Yunanıstanın “Atromitos” klubunun səhmlərini satın almağa hazırlaşır.
ABC.AZ xarici mətbuata istinadən xəbər verir ki, bu barədə Yunanıstan mətbuatı məlumat dərc edib.
Məlumatda qeyd edilib ki, artıq tanınmış iş adamının apardığı danışıqlar yekun mərhələyə çatıb.
İş adamının səhmlərinin alacağı klub “Atromitos”un Yunanıstan çempionatında doqquz turdan sonra altı xalla turnir cədvəlinin 11-ci pilləsində qərarlaşıb.
Qeyd edək ki, Acun İlıcalı həmçinin İngiltərənin “Hall Siti” və İrlandiyanın “Şelburn” klublarının sahibidir.
