Neft bahalaşır, Brent bir barel üçün $85,25 təşkil edir

09:20 - 1.11.2023

1 noyabr, Fineko/abc.az. Neftin etalon markalarının qiyməti çərşənbə günü hərracda artır.

Londonun ICE Futures birjasında Brent markalı neftin yanvar fyuçerslərinin qiyməti saat 09:18-də $0,23 (0,27%) artaraq bir barel üçün $85,25-a çatıb. Oktyabrın 31-də Brent markalı neftin yanvar fyuçersləri $1,33 (1,54%) azalaraq bir barel üçün $85,02-a düşüb.

Nyu-York əmtəə birjasının (NYMEX) elektron ticarətində WTI neftinin dekabr fyuçerslərinin qiyməti saat 09:18-də qədər $0,10 (0,12%) - bir barel üçün $81,12-a yüksəldi. 31 oktyabr ticarətinin nəticələrinə görə, WTI neftinin dekabr fyuçerslərinin qiyməti $1,29 (1,57%) azalaraq bir barel üçün $81,02-a düşdü.

Oktyabrın sonunda Brent markalı neft 8,3%, WTI markalı neft isə 10,8% ucuzlaşıb.