10:16 - 24.10.2023

---

24 oktyabr, Fineko/abc.az. “Microsoft” Avstraliyada süni intellektin inkişafına 5 milyard Avstraliya dolları (3.2 milyard ABŞ dolları) sərmayə qoymağı planlaşdırır.

ABC.AZ xarici mətbuata istinadən xəbər verir ki, bunu ABŞ-a səfəri zamanı şirkət nümayəndələri ilə görüşdən sonra Avstraliyanın baş naziri Entoni Albaniz deyib. O bildirib ki, bu “Microsoft”un Avstraliyaya ən böyük investisiya olacaq.

"“Microsoft” ölkədəki məlumat mərkəzlərinin tutumunu 45% artırmağı planlaşdırır. Bundan əlavə, məbləğin bir hissəsi, yəni 300 000-u Avstraliyada rəqəmsal iqtisadiyyatda uğur qazanmaq üçün sərf olunacaq" deyə baş nazir bildirib. 

Müəllif: Elmir Murad