11:00 - 23.10.2023

---

23 oktyabr, Fineko/abc.az. “Hyundai Motor” və Səudiyyə Ərəbistanının İctimai İnvestisiya Fondu (PIF) krallıqda avtomobil istehsalı üçün birgə müəssisə yaradacaq.

ABC.AZ xarici mətbuata istinadən xəbər verir ki, bu barədə Cənubi Koreya şirkəti öz saytında məlumat yayıb. Sözügedən tərəflər artıq bununla bağlı razılığa gəliblər. 

Belə ki, ümumi sərmayənin 500 milyon dollardan çox olacağı təxmin edilir. Birgə müəssisənin səhmlərinin 30 faizinə Cənubi Koreya, 70 faizinə isə fond sahib olacaq. Qeyd edilir ki, zavodda avtomatlaşdırma səviyyəsi yüksək olacaq.

Tikintiyə 2024-cü ildə başlanması planlaşdırılır və ilk məhsullar 2026-cı ildə konveyerdən çıxacaq. Sahənin elektrik avtomobilləri də daxil olmaqla ildə 50 min avtomobil istehsal edəcəyi gözlənilir.