16:04 - 19.10.2023

---

19 oktyabr, Fineko/abc.az.  Hazırda Heydər Əliyev Beynəlxalq Aeroportundan 66 istiqamət üzrə 33 ölkəyə səyahət etmək mümkündür.

ABC.AZ hava limanına istinadən xəbər verir ki, Bakıdan ən çox sərnişin Türkiyənin İstanbul şəhərinə uçur.

Bu ilin 9 ayında Bakı-İstanbul-Bakı marşrutu üzrə 745 mindən çox sərnişin daşınıb. İstanbulun hər iki hava limanına uçan aviaşirkətlər “Azərbaycan Hava Yolları” QSC (AZAL), eləcə də Türkiyənin milli aviadaşıyıcısı – “Türk Hava Yolları”, onun aşağı büdcəli törəməsi – “AnadoluJet” və özəl aviaşirkət “Pegasus”dur.

Bakıdan 2-ci ən məhşur istiqamət yanvar-sentyabr aylarında 510 minə yaxın sərnişin daşındığı Rusiyanın paytaxtı Moskvadır. Bakıdan bu şəhərin Domodedovo, Vnukovo və Şeremetevo hava limanlarına uçuşları AZAL, Rusiyanın milli aviadaşıyıcısı – “Aeroflot”, eləcə də özəl aviaşirkətlər – “Utair” və “IrAero” həyata keçirir.