15:23 - 30.08.2023

---

30 avqust, Fineko/abc.az. Prezident Administrasiyasının Xarici siyasət şöbəsinin müdiri Hikmət Hacıyev Ağdam-Xankəndi yolu açıldıqdan 24 saat sonra Laçın-Xankəndi yolunun (Laçın yolu) da açılmasının mümkün olduğunu deyib.

"24 saat sonra (Ağdam-Xankəndi yolu açıldıqdan sonra) Laçın yolu da açılacaq. Yollar nə qədər çox olsa, hamı üçün bir o qədər yaxşıdır”, - deyə Hikmət Hacıyev bildirib.

Prezidentin köməkçisisinin sözlərinə görə, Azərbaycan Qarabağ bölgəsinin təchizatı üçün Ağdam-Xankəndi yolundan istifadə edilməsini təklif edir.

Vaqif Xaçatryanın Ermənistanla sərhəddə nəzarət-buraxılış məntəqəsini keçməyə cəhd edərkən saxlanılması məsələsinə toxunan Hacıyev bir çox şahidlərin onu tanıdığını qeyd edib.

“Biz heç vaxt deməmişik ki, hərbi cinayətkarlar məhkəmə qarşısına çıxarılmamalıdır”, - deyə şöbə müdiri vurğulayıb.