11:41 - 5.05.2022

---

5 may, Fineko/abc.az. 2022-ci ilin aprelində Türkiyədə illik inflyasiya 69,97 faiz təşkil edib.

ABC.AZ-ın məlumatına görə, bu barədə Türkiyə Statistika Komitəsinin hesabatında deyilir.

Hesabata əsasən, inflyasiya mart ayı ilə müqayisədə 7,25 faiz, ötən ilin dekabrından bəri isə 31,71 faiz artıb.

Bahalaşma ən çox nəqliyyat xidmətləri (105,86 faiz), ərzaq (89,1 faiz) və mebellərdə (77,64 faiz) müşahidə olunub.

Qeyd edək ki, mart ayında illik inflyasiya 61,1 faiz təşkil etmişdi.

Müəllif: Elmir Murad