17:24 - 5.04.2022

---

5 aprel, Fineko/abc.az. “Volkswagen Group” konserni idarəçilikdə dəyişiklik etməyi planlaşdırır.

ABC.AZ-ın məlumatına görə, konsernindən 2022-ci ilin yayında şirkətin menecmentində dəyişikliklərin olacağı açıqlanıb.

Vurğulanıb ki, “Volkswagen”in minik avtomobilləri bölməsinin rəhbəri Ralf Brandtetter avqustun 1-indən Çin bölməsinə rəhbərlik edəcək, onun yerini isə iyulun 1-indən “Skoda”nın indiki rəhbəri Tomas Şafer tutacaq.

Çex markasının yeni rəhbəri iyulun 1-indən hazırda satış, marketinq və satışdan sonrakı xidmətə cavabdeh olan Klaus Zellmer olacaq.

Onun davamçısının kim olacağı barədə məlumat hələlik verilmir.

Müəllif: Elmir Murad