12:03 - 21.09.2021

---

21 sentyabr, Fineko/abc.az. Oktyabrın 1-dən taksi sürücülərindən də 2-ci doza peyvənd olunmalarına dair COVID-19 pasportu tələb olunacaq.

ABC.AZ-ın məlumatına görə, bu barədə DİN Mətbuat Xidmətindən bildirilib. Qeyd olunub ki, taksi fəaliyyəti ilə məşğul olanlar peyvəndin ikinci dozasını qəbul etməlidirlər. Əks halda onların fəaliyyəti məhdudlaşdırılacaq.

“Müəyyən olunan qaydaya görə, taksi fəaliyyəti ilə məşğul olan şəxslər sentyabrın 1-dən 1 doza, oktyabrın 1-dən 2-ci doza vaksinasiyadan keçməlidir” deyə məlumatda bildirilib.