15:56 - 15.09.2021

---

15 sentyabr, Fineko/abc.az. Bu il Rusiyanın Baytarlıq və Fitosanitar Nəzarət üzrə Federal Xidmətinin ("Rosselxoznadzor") ölkənin Novosibirsk vilayətindəki idarəsi 9 394 ton heyvan mənşəli məhsulun ixracına icazə verib.

ABC.AZ Report-a istinadən xəbər verir ki, bu barədə "Rosselxoznadzor" məlumat yayıb.

Məlumata görə, bu, ötən ilin eyni dövrü ilə müqayisədə təxminən 3 dəfə çoxdur.

Novosibirskdən ixrac olunan məhsulların alıcıları arasında Azərbaycan da var.

Ölkəmizə əsasən dondurma idxal olunub. Həmin məhsul Azərbaycandan başqa, Özbəkistana və Vyetnama da göndərilib.