10:16 - 9.09.2021

---

9 sentyabr, Fineko/abc.az. Əvvəlki sessiyanın nəticələri üzrə yüksəlişdən sonra cümə axşamı ticarətində etalon markaların qiymətləri zəif və müxtəlif şəkildə dəyişir.

Saat 9:37-də London ICE Futures birjasında Brent neftinin noyabr fyuçersi $0,04 (0,06%) bahalaşaraq bir barelə $72,64  təşkil edib. Sentyabrın 8-də baş tutmuş ticarətin nəticələrinə görə, Brent neftinin noyabr fyuçersi $0,91 (1,27%) yüksələrək bir barelə $72,60 təşkil edib.

Saat 9:37-də Nyu-York əmtəə birjasında (NYMEX) ticarət üzrə WTI-nin oktyabr fyuçersinin qiyməti $0,04 (0,06%) enərək bir barelə $69,26 təşkil edib. Sentyabrın 8-də baş tutmuş hərracların nəticələrinə görə, oktyabr ayına fyuçers $0,95 (1,39%) artaraq bir barelə $69,30 təşkil edib.

Amerika Neft İnstitutunun məlumatları ötən həftə ABŞ-da neft ehtiyatlarının, öncəki həftə 4,045 milyon barel düşdükdən sonra, keçən həftə 2,882 milyon barel azalması ilə nəticələndi.