16:36 - 17.08.2021

---

17 avgust, Fineko/abc.az. Cari ilin yanvar-iyul aylarında Azərbaycanın ABŞ-la apardığı ticarət dövriyyəsinin həcmi 295,506 mln. ABŞ dolları təşkil edib. Bu isə 2020-ci ilin analoji dövrü ilə müqayisədə 37,7% azdır.

ABC.AZ Dövlət Gömrük Komitəsinin hesabatına istinadla xəbər verir ki, 7 ayda Azərbaycanın ABŞ-a ixracı kəskin artaraq (3,5 dəfə) 33,729 mln. dollara çatıb. İdxal isə illik müqayisədə 43,6% azalaraq 261,777 mln. dollara enib.

Qeyd edək ki, bu ilin ilk yeddi ayında Azərbaycanın ABŞ ilə ticarətində 228,049 mln. dollarlıq mənfi saldo yaranıb ki, bu da illik müqayisədə 2 dəfə azdır.