15:55 - 8.10.2020

---

8 oktyabr, Fineko/abc.az. Tovuz döyüşlərində qəhrəmancasına şəhid olan general-mayor Polad Həşimovun adı Türkiyədə salınacaq parklardan birinə veriləcək.

ABC.AZ-ın məlumatına görə, bu barədə Bursanın Osmanqazi bələdiyyəsinin sədri Mustafa Dündar jurnalistlərə açıqlamasında bildirib.

O qeyd edib ki, bu ilin iyulunda Ermənistan qoşunlarının Tovuz rayonu istiqamətində hücum cəhdi zamanı şəhid olmuş general-mayor Polad Həşimovun adı Türkiyənin Bursa vilayətində salınacaq parka veriləcək.

"Həmin park yaxın zamanlarda salınacaq", - deyə M.Dündar bildirib.

Müəllif: Elmir Murad