Qızılın qiyməti 4 064 dollar təşkil edir — Avqustdan bu yana ən böyük həftəlik artım

09:58 - 6.11.2026


6 Noyabr, Fineko/abcnews. ABŞ-da aralıq seçkilərdən sonra dollar və istiqraz gəlirlərinin düşməsi fonunda birjalarda mənfəət götürmə korreksiyası baş versə də, qızıl avqust ayından bəri ən böyük həftəlik artımını (təxminən 5%) gerçəkləşdirməyə hazırlaşır.

Spot qızılın bir unsiyası 0,6% geriləyərək 4 064,53 dollar səviyyəsində qərarlaşıb.

Texnologiya səhmlərindəki eniş fonunda investorların marja tələblərini örtmək üçün bir qədər qızıl satması qiyməti bir qədər tormozlasa da, qiymətli metal təhlükəsiz liman statusunu bərpa edir. Paralel olaraq gümüşün qiyməti 0,4% artaraq 51,96 dollara yüksəlib.