14:57 - 26.10.2026

---

26 oktyabr, Fineko/abc.az. Mənfəətliliyin yüksəlməsi fonunda Azərbaycan bank sektoru risklərin sığortalanmasına ayırdığı vəsaitlərin həcmini kəskin artırıb.

2026-cı ilin ilk doqquz ayının yekunlarına əsasən, mümkün zərərlərin ödənilməsi üçün kredit və digər aktivlər üzrə ayrılan ehtiyatların həcmi 100,3% artaraq 354,3 milyon manata çatıb.

Paralel olaraq, bank sektorunun cəmi aktivlərində də sabit böyümə dinamikası müşahid olunub.

Üçüncü rübün sonuna bankların cəmi aktivləri illik müqayisədə 12,1% artaraq 63 milyard 621,4 milyon manata yüksəlib. Ötən ilin eyni dövründə bu göstərici 56 milyard 734 milyon manat təşkil edirdi.