14:49 - 26.10.2026

---

26 oktyabr, Fineko/abc.az. Azərbaycan bank sektorunun faiz və qeyri-faiz gəlirlərinin cəmi 2026-cı ilin ilk doqquz ayında ötən ilin eyni dövrü ilə müqayisədə 75,1% artaraq 5 milyard 728,6 milyon manata çatıb.

Ümumi gəlirlərin 4 milyard 182,9 milyon manatını (73%) faiz, 1 milyard 545,7 milyon manatını (27%) isə qeyri-faiz gəlirləri təşkil edib.

Gəlirlərlə yanaşı, faiz xərcləri 81,4% artaraq 1 milyard 548,3 milyon manata, qeyri-faiz xərcləri isə 61,9% artaraq 2 milyard 434,6 milyon manata yüksəlib.

Gəlirlərin xərcləri üstələməsi nəticəsində bankların xalis mənfəəti 87,6% kəskin artaraq 1 milyard 81,8 milyon manata çatıb, vergidən əvvəlki mənfəəti isə 1 milyard 352,7 milyon manat olub. Bununla da xalis mənfəətin ümumi gəlirlərdəki payı 17,6%-dən 18,9%-ə yüksəlib.