17:30 - 15.10.2026

---

15 oktyabr, Fineko/abc.az. Azərbaycan bank sektorunda ümumi aktivlər ilin ilk səkkiz ayında 9.44% böyüdüyü halda, “Premium Bank” doqquz ay ərzində cəmi 0.18%-lik artımla sektorun ümumi inkişaf dinamikasından xeyli geri qalıb.

Bankın depozit portfelində fərqli meyllər var; əhalinin əmanətləri (fiziki şəxslər) 1.4% artaraq 309.5 milyon manat, şirkətlərin depozitləri (hüquqi şəxslər) isə 4.3% artaraq 92.9 milyon manat olub.

Kredit portfelinin strukturunda 362.2 milyon manat biznes, 72.8 milyon manat ipoteka və 61.7 milyon manat istehlak kreditləri yer alıb.

Qeyri-faiz xərclərini 22 milyon manata (+5.9%) çatdıran bank, Nağd pul vəsaitlərinin 13.2 milyon manat azalmasına baxmayaraq mənfəətini 9.1 milyon manatdan 13 milyon manata yüksəldə bilsə də, aktivlər üzrə zəif göstərici bankın bazardakı payının kiçildiyini göstərir.