11:24 - 12.10.2026

---

12 Oktyabr, Fineko/abc.az. ABŞ dollarının indeksi (DXY) Yaxın Şərqdə gərginliyin artması nəticəsində təhlükəsiz sığınacaq aktivlərinə olan tələbat və bu həftə açıqlanacaq inflyasiya göstəriciləri fonunda son 18 ayın maksimum səviyyəsinə (102.14 bənd) yaxın sabit qalmaqda davam edir. Geopolitik risklərin yüksəlməsi valyuta bazarlarında ehtiyatlı mövqeyi qoruyub saxlayır.

Bazar iştirakçıları əsas diqqəti bu həftə ABŞ-da dərc olunacaq İstehlak Qiymətləri İndeksi (CPI) və İstehsalçı Qiymətləri İndeksinə (PPI) yönəldiblər. CME FedWatch alətinin məlumatlarına görə, inflyasiya riskləri fonunda ABŞ Federal Ehtiyat Sisteminin (FES) faiz dərəcələrini sabit saxlaması və ya pul-kredit siyasətini sərtləşdirməsi gözləntiləri dolların mövqeyini gücləndirir.