14:34 - 1.10.2026

---

1 oktyabr, Fineko/abc.az. Mərkəzi Bankın məlumatlarına əsasən, 2026-cı ilin avqust ayının sonunda banklarda müddətli əmanəti olan unikal müştərilərin sayı illik müqayisədə 27,2% artaraq 226 056 nəfərə çatıb.

Həmin dövrdə fiziki şəxslərin müddətli əmanətlərinin ümumi həcmi də 20,5% artaraq 11,52 milyard manat təşkil edib.

Bununla belə, əmanətçilərin sayının depozit həcmindən daha sürətlə böyüməsi nəticəsində bir müştəriyə düşən orta əmanət məbləği illik müqayisədə 5,3% azalaraq 50 964 manata enib.