10:19 - 28.09.2026

---

28 sentyabr, Fineko/abc.az.  “ExxonMobil” şirkəti Azərbaycanda qeyri-ənənəvi karbohidrogen resurslarının mənimsənilməsi üzrə layihənin operatoru olacaq.

Bu barədə Azərbaycan Dövlət Neft Şirkəti (SOCAR) məlumat yayıb.

Məlumata görə, SOCAR və “ExxonMobil” arasında imzalanmış “Azərbaycan Respublikasının Orta Kür hövzəsi üzrə qeyri-ənənəvi karbohidrogen resurslarının kəşfiyyatı, işlənməsi və hasilatı üzrə Hasilatın Pay Bölgüsü Sazişi”nə (PSA) əsasən, müqavilə sahəsində iştirak payları müvafiq törəmə şirkətlər vasitəsilə 50% SOCAR və 50% “ExxonMobil” olmaqla bölüşdürülüb. Layihənin operatorluğu “ExxonMobil” şirkətinə həvalə edilib.