09:14 - 28.09.2026

---

28 sentyabr, Fineko/abc.az. Bazar ertəsi keçirilən hərraclarda etalon markaların qiymətləri yüksəlir.

Saat 09:12-yə olan məlumata görə, "ICE Futures Europe" birjasında "Brent" neftinin noyabr fyuçersi 2,77 dollar (2,66%) bahalaşaraq bir bareli 107,09 dollar təşkil edib. 25 sentyabr tarixində baş tutan hərracların yekununda isə bu müqavilə 2,28 dollar (2,14%) ucuzlaşaraq bir bareli 104,32 dollar olmuşdu.

Nyu-York Əmtəə Birjasında (NYMEX) "WTI" neftinin noyabr fyuçersinin qiyməti saat 09:12-yə qədər 1,69 dollar (1,83%) artaraq bir bareli 94,10 dollar təşkil edib. 25 sentyabr hərraclarının nəticələrinə görə isə müqavilənin qiyməti 2,20 (2,33%) dollar düşərək bir bareli 92,41 dollara enmişdi.