16:18 - 24.09.2026

---

24 sentyabr, Fineko/abc.az. Nazirlər Kabinetində “2027-ci il dövlət və icmal büdcə layihələri və növbəti üç il üçün icmal büdcənin göstəriciləri, sosial-iqtisadi inkişaf proqnozları”nın müzakirəsi zamanı Baş nazir Əli Əsədov bildiriib ki, 2020-ci ildən bəri 2026-cı il də daxil olmaqla işğaldan azad olunmuş ərazilərin yenidən qurulması və bərpası üçün dövlət büdcəsindən cəmi 25 milyard manatdan çox vəsait ayrılıb.

Baş nazirin sözlərinə görə, 2027-ci ildə bu məqsəd üçün 3,4 milyard manat vəsait nəzərdə tutulur və 2027-ci ilin dövlət büdcəsində investisiyayönümlü strategiya ilə dövlət proqramlarının maliyyə təminatı üçün kifayət həcmdə vəsait planlaşdırılır. Həmçinin qeyd olunub ki, 2025-ci ildə və 2026-cı ilin ötən dövründə su, nəqliyyat, kənd təsərrüfatı, qida təhlükəsizliyi və turizm sahələrini əhatə edən dövlət proqramları qəbul edilib, həmin istiqamətlər üzrə əsas prioritetlər müəyyənləşdirilib.