10:48 - 8.09.2026

---

8 Sentyabr, Fineko/abc.az. Kanada hökuməti ABŞ-dan idxal edilən yüzlərlə məhsula 15%-dən 50%-ədək dəyişən cavab gömrük rüsumları tətbiq edərək iki ölkə arasındakı ticarət müharibəsini yeni mərhələyə daşıyıb.

Baş nazir Mark Karni rəhbərliyinin Vaşinqtonla aparılan danışıqlarda Ottavanın mövqeyini gücləndirmək məqsədi daşıyan bu sərt adımı Nyu-York vaxtı ilə saat 00:01-dən etibarən rəsmən qüvvəyə minib. Sazış çərçivəsində ABŞ-dan gətirilən polad məhsullarına rüsumlar 50%-ə qaldırılıb, eyni zamanda motosiklet, kosmetika, pendir və müxtəlif istehlak mallarına yeni tariflər tətbiq olunub.

Yeni tariflər xüsusilə Kanada ilə sıx ticarət əlaqələri olan və noyabrda keçiriləcək aralıq seçkilərində kritik rol oynayan Miçiqan və Ohayo kimi ABŞ ştatlarının ixracatçılarına ağır zərbə vuracaq.

Ekspertlər bildirir ki, Ottava bu addımı ticarət müharibəsini daha da dərinləşdirmək üçün deyil, ABŞ şirkətləri və istehlakçıları üçün maliyyə yükünü artıraraq Tramp administrasiyasını kompromis həll yolları üçün yenidən danışıqlar masasına əyləşməyə məcbur etmək məqsədilə atır.