10:23 - 31.07.2026

---

31 iyul, Fineko/abc.az. Azərbaycan Mərkəzi Bankının (AMB) İdarə Heyəti uçot dərəcəsinin 6,5% səviyyəsində dəyişməz saxlanılması barədə qərar qəbul edib.

Mərkəzi Bankın məlumatına əsasən, faiz dəhlizinin aşağı həddi 5,5%, yuxarı həddi isə 7,5% səviyyəsində saxlanılıb.

Qərar qəbul edilərkən faktiki və proqnozlaşdırılan inflyasiyanın dinamikası, eləcə də daxili maliyyə bazarındakı proseslər nəzərə alınıb. AMB-dən bildirilib ki, inflyasiya proqnozunun yüksəlməsi pul siyasətinin sərtləşdirilməsini tələb etsə də, valyuta bazarında təklifin tələbi üstələməsi yumşalmaya zəmin yaradır və bu iki amil bir-birini tarazlaşdırır.

Faiz dəhlizinin parametrləri ilə bağlı növbəti qərar sentyabrın 23-də ictimaiyyətə açıqlanacaq.