14:44 - 24.07.2026

---

24 iyul, Fineko/abc.az. Tehran İraqın Baş naziri Əli əz-Zeydi vasitəsilə Vaşinqton tərəfindən göndərilən atəşkəs təklifini rəsmi şəkildə rədd edib. İraq nümayəndə heyətinin İran rəhbərliyi ilə danışıqlarına baxmayaraq, razılığa gəlmək mümkün olmayıb.

Əsas fikir ayrılığı Hörmüz boğazının gələcək statusu ilə bağlıdır. İran müvəqqəti razılaşmalara qarşı çıxır və ABŞ-ın döyüşlərdə fasilədən öz mövqelərini gücləndirmək üçün istifadə edə biləcəyindən ehtiyat edərək, tamhəcmli saziş tələb edir.

Eyni zamanda, ABŞ Prezidenti Donald Tramp Tehranın Fars körfəzində gəmilərə hücumları nəticəsində dəymiş zərərin ödənilməsi üçün dondurulmuş İran aktivlərindən istifadə edilə biləcəyini bildirib. O, mümkün ödənişləri ədalətli adlandırsa da, söhbətin hansı gəmilərdən getdiyini açıqlamayıb.

İranın xarici işlər naziri Abbas Əraqçı təşəbbüsü tənqid edərək, başqa dövlətin aktivlərinin müsadirə edilməsinin təhlükəli presedent yaradacağını bildirib. Onun sözlərinə görə, belə addımlar yalnız gərginliyi artırır və diplomatik həlli çətinləşdirir.