11:12 - 18.06.2026

---

18 iyun, Fineko/abc.az. Bakı Fond Birjasında (BFB) "PAŞA Bank" ASC-nin ümumi dəyəri 51 310 930 manat olan adi səhmlərinin yerləşdirilməsinə start verilir.

ABC.AZ xəbər verir ki, BFB-nin Listinq Komitəsinin cari ilin 3 aprel tarixli qərarı ilə bankın səhmlərinin ticarətə buraxılması üçün “Ticarətə İcazə” qərarı verilib. Sözügedən qiymətli kağızların abunə yazılışı prosesi 13 aprel 2026-cı il tarixində başlayıb və 12 iyun tarixində uğurla yekunlaşıb.

Səhm buraxılışının əsas parametrləri aşağıdakı kimidir:

Dövlət qeydiyyat nömrəsi (ISIN): AZ1012006628

Səhmlərin növü və forması: Sənədsiz adlı, adi səhmlər

Ticarət üsulu: Kütləvi ticarət / Abunə yazılışı vasitəsilə

Səhmlərin sayı: 932 926 ədəd

Bir səhmin ilkin ticarət qiyməti: 55 manat

Anderrayterlər: Emissiyanın əsas anderrayteri qismində “PAŞA Kapital İnvestisiya Şirkəti” QSC çıxış edir. Digər anderrayterlər isə “ABB-İnvest İnvestisiya Şirkəti” QSC və “Unicapital İnvestisiya Şirkəti” ASC-dir.