09:35 - 10.02.2026

---

10 fevral, Fineko/abc.az. Çərşənbə axşamı keçirilən hərraclarda etalon markaların qiyməti ötəngünkü inamlı artımdan sonra aşağı düşür.

Saat 09:30-a olan məlumata görə, "ICE Futures" birjasında "Brent" markalı neftin aprel fyuçersinin qiyməti $0,14 (0,20%) azalaraq bir barreli üçün $68,90 təşkil edib. 9 fevral tarixli hərracların nəticələrinə görə, bu müqavilənin qiyməti $0,99 (1,45%) artaraq bir barreli üçün $69,04 olmuşdu.

"NYMEX" əmtəə birjasında "WTI" markalı neftin mart fyuçersinin qiyməti saat 09:30-a qədər $0,18 (0,28%) azalaraq bir barreli üçün $64,18-a düşüb. 9 fevral tarixinə olan hərracların yekununda "WTI" markalı neftin mart fyuçersi $0,81 (1,27%) bahalaşaraq bir barreli üçün $64,36 təşkil etmişdi.