09:13 - 6.01.2026

---

6 yanvar, Fineko/abc.az. Etalon markaların qiyməti dünənki artımdan sonra çərşənbə axşamı keçirilən hərracda azalır.

Brent markalı neftin mart fyuçersləri ICE Futures birjasında saat 09:12-ə olan məlumata əsasən $0,18 (0,29%) azalaraq bir barel üçün $61,58-a düşüb. 5 yanvar ticarətinin nəticələrinə görə, Brent neftinin mart fyuçersləri bir barelə $1,01 (1,66%) artaraq $61,76-a yüksəlib.

Saat 09:12-ə olan məlumata əsasən NYMEX əmtəə birjasının ticarətində WTI neftinin fevral fyuçerslərinin dəyəri $0,22 (0,38%) azalaraq bir barel üçün $58,10-a düşüb. 5 yanvar ticarətinin nəticələrinə görə, WTI neftinin fevral fyuçersləri $1,00 (1,74%), bir barel üçün $58,32-a yüksəlib.