14:39 - 26.12.2025
26 dekabr, Fineko/abc.az. İran və Rusiya arasında Strateji tərəfdaşlıq müqaviləsinin imzalanması turizm sahəsində, xüsusilə Fars körfəzindəki sərbəst iqtisadi zona olan Kiş adasında yeni imkanlar açır.
ABC.AZ xəbər verir ki, tərəflər turizm, mədəni mübadilə və tarixi irsin təşviqi sahəsində əməkdaşlığı inkişaf etdirməyə razılıq veriblər.
Reallıqda turist axınları hələ ki məhduddur: 2025-ci ildə Rusiyanı təxminən 27,5 min İran vətəndaşı, İranı isə 60 min rusiyalı ziyarət edib. Birbaşa aviareyslər, kurortun fəal təşviqi və Rusiya ödəniş sistemlərinin istifadəsi turist mübadiləsini xeyli artıra bilər.
Turizmin inkişafı iqtisadi əlaqələri gücləndirir, brend tanınmasını artırır və ölkələr arasında humanitar əlaqələri möhkəmləndirir.
