09:19 - 1.12.2025
1 dekabr, Fineko/abc.az. Etalon markaların qiymətləri ötən həftənin sonunda artdıqdan sonra bazar ertəsi günü hərracda yüksəlir.
Saat 09:15-ə olan məlumata əsasən ICE Futures birjasında Brent markalı neftin fevral fyuçerslərinin qiyməti $1,07 (1,72%) artaraq bir barel üçün $63,45-a yüksəlib. Noyabrın 28-də keçirilən hərracların nəticələrinə görə, Brent neftinin fevral fyuçersləri $0,49 (0,78%) azalaraq bir barel üçün $62,38-a enib.
Saat 09:15-ə olan məlumata görə NYMEX əmtəə birjasının ticarətində WTI neftinin yanvar fyuçerslərinin qiyməti $1,06 (1,81%) artaraq bir barel üçün $59,61-a çatıb. 28 noyabr ticarətinin nəticələrinə görə, WTI neftinin yanvar fyuçersləri $0,52 (0,88%) ucuzlaşaraq bir barel üçün $58,55-a düşüb.
Ötən həftə Brent markalı neft 0,71%, WTI nefti isə 0,84% bahalaşıb.
