11:42 - 25.12.2024

---

25 dekabr, Fineko/abc.az. 2018-ci ildən indiyədək zəmanətlə təmin olunmuş ipoteka kreditlərinin həcmi məlum olub.

ABC.AZ-ın məlumatına görə, bunu İpoteka və Kredit Zəmanəti Fondunun departament direktoru Rasim Abdullayev fondun media üçün təlimində deyib.

O bildirib ki, verilmiş kreditlərin ümumi həcmi üzrə güzəştli ipoteka kreditlərinin həcmi 32% təşkil edib:

"Verilmiş kreditlərin ümumi həcmində gənclərə, gənc ailələrə verilmiş kreditlərin göstəricisi 70%-ə yaxındır. Hazırda regionlarda verilmiş kreditlər isə 18% həcmindədir.

Fondun ipoteka kreditləri üzrə əhalinin yaşayış şəraitinin yaxşılaşdırılması, əlçatanlılığının artırılması məqsədilə 2018-ci ildən tətbiq olunan zəmanət mexanizmi nəticəsində artıq 11 region üzrə 1134 vətəndaş zəmanətli ipoteka kreditlərindən faydalanıb.

Zəmanətlə təmin olunmuş ipoteka kreditlərinin həcmi isə 98,8 milyon manat həcmindədir".