14:14 - 23.10.2024

---

23 oktyabr, Fineko/abc.az. Dəmir yolu stansiyalarında ödənişlər tezliklə üztanıma ilə həyata keçiriləcək.

ABC.AZ xəbər verir ki, bunu "AzİnTelekom" MMC-nin nümayəndəsi Tamerlan Məşhədihəsənli deyib.

O bildirib ki, artıq Azərbaycan Dəmir Yolu ilə bu prosesə başlanılıb: “Bu, yaxın vaxtlarda həyata keçiriləcək. Yəni ADY-nin stansiyalarında ödənişlərin həyata keçirilməsi üztanıma ilə olacaq. Bundan başqa, binaların girişlərində bu sistemlərin istifadəsi üzərində də işlər gedir”.

O qeyd edib ki, şirkət daxilində bunun testlərini aparılır: “Testlər uğurlu olsa, növbəti ildən bunun yerli bazarda satışına başlayacağıq”.