17:31 - 10.09.2024

---

10 sentyabr, Fineko/abc.az. Dünyanın ən böyük şirkətləri 2024-cü ilin ikinci rübündə 606.1 milyard dollar məbləğində rekord dividend ödəyib.

“Janus Henderson Investors”un araşdırmasına görə, bu, ötən ilin eyni dövrü ilə müqayisədə 5.8% çoxdur.

İkinci rübdə ödənilən dividendlərin məbləğinə görə Top 10-luq aşağıdakı kimidir:

HSBC (bank, Böyük Britaniya);

Nestle (qida istehsalçısı, İsveçrə);

China Mobile (telekommunikasiya şirkəti, Çin);

Mercedes-Benz Group (avtomobil istehsalçısı, Almaniya);

Allianz (sığorta şirkəti, Almaniya);

BNP Parisbank (bank, Fransa);

Microsoft (proqram təminatçısı, ABŞ);

Stellantis (avtomobil istehsalçısı, Hollandiya);

Sanofi (əczaçılıq şirkəti, Fransa);

Axa (sığorta şirkəti, Fransa).

Ən çox dividend Avropa şirkətləri ödəyib – 204.6 milyard dollar. Ümumilikdə, rekord dividendlər Fransa, İtaliya, İsveçrə və İspaniyada ödənilib. Araşdırma nəticəsində məlum olub ki, dünya üzrə şirkətlərin 92%-i dividendlərini artırıb və ya eyni saxlayıb.

Müəllif: Elmir Murad