11:42 - 17.08.2018

---

17 avqust, Fineko/abc.az. Azərbaycan Respublikası Kənd Təsərrüfatı Nazirliyinin Dövlət Baytarlıq Xidməti diri heyvanların satışı təşkil olunan rayonlar üzrə icra hakimiyyəti orqanlarının rəhbərlərinə müraciət edib.

Müraciətdə deyilir ki, epizootik vəziyyətin sabitliyinin təmin edilməsi və zoonoz xəstəliklərin qarşısının alınması məqsədi ilə həyata keçirilən tədbirlər çərçivəsində diri heyvanların satışı aparılan bazarlarda dezinfeksiya, dezinseksiya və deratizasiya işlərinin həyata keçirilməsinə zərurət yaranıb.

Dövlət Baytarlıq Xidməti rayon baytarlıq idarələrinin mütəxəssislərinə lazımi kömək göstərməyə hazırdır.