19:02 - 1.07.2024

---

1 iyul, Fineko/abc.az. Türkiyənin Qara dəniz sektorundakı Sakarya yatağında gündəlik təbii qaz hasilatı 5,5 milyon m3 - ə çatıb. 

ABC.AZ xəbər verir ki, bunu Türkiyənin energetika və Təbii Sərvətlər Naziri A. Bayraktar deyib.

Nazirin sözlərinə görə, 2024-cü ilin avqust ayında bu yataqda hasilat həcminin gündə 6 milyon m3, 2025-ci ildə isə gündə 10 m3-ə çatacağı gözlənilir. Sakarya yatağında təbii qaz hasilatı 2050-ci ilə qədər davam edəcək.
Məlumata görə, hasilatın həcmi 2,4 milyon abunəçini mavi yanacaqla təmin etməyə imkan verir. İşlərə Türkiyənin 3 qazma gəmisi - Fatih, Yavuz və Kanuni cəlb olunub.