15:43 - 10.06.2024

---

10 iyun, Fineko/abc.az. İranın şərqində 50 meqavat gücündə iri külək elektrik stansiyasının açılışı olub.

ABC.AZ xəbər verir ki, tədbirdə ölkənin energetika naziri Əli Əkbər Mehrabian iştirak edib.

Təxminən 1 min hektar sahəsi olan Mıl Nader külək elektrik stansiyası Sistan-Bəlucistan əyalətinin Zabolinin şimal-qərbindəki Nimruz dairəsində yerləşir. 2,5 meqavat gücündə II tip 20 külək turbini ilə təchiz edilib. Külək elektrik stansiyasının tikinti işlərinə 2020-ci ildə başlanılıb.

Bu elektrik stansiyası istifadəyə verildikdən sonra hər il 250 meqavat bərpa olunan enerji istehsal edilərkən 30 milyon litrdən çox su və 100 milyon litr dizel yanacağı qənaət ediləcək.