17:01 - 5.06.2024

---

5 iyun, Fineko/abc.az. McDonald's-ın Amerika fast food zənciri bundan sonra quş əti burgerləri üçün "Big Mac" adından istifadə etmək hüququna malik deyil.

ABC.AZ xəbər verir ki, hələ 2019-cu ildə əqli mülkiyyət hüquqlarına cavabdeh olan Avropa tənzimləyicisi McDonald's-ın toyuq burgerləri üçün bu ticarət nişanından istifadə etməsini qadağan etmişdi, çünki şirkət beş il ərzində onun daimi istifadəsinə dair sübut təqdim edə bilməmişdi.

Uzun müddət davam edən məhkəmə prosesi, McDonald's-ın müəyyən məhsul və xidmətləri üçün "Big Mac" adının istifadəsinə qadağa qoymağa çalışan irlandiyalı rəqib Supermac tərəfindən başladılmışdı və bu da Supermac-ın ad oxşarlığı səbəbindən işinin genişlənməsinə mane olurdu. Nəticədə, Avropa Məhkəməsi İrlandiya şəbəkəsinin tərəfini tutdu, çünki McDonald's-ın restoran adları kateqoriyasında ticarət nişanından istifadə etdiyinə dair heç bir dəlil yoxdur.