16:01 - 8.05.2024

---

8 may, Fineko/abc.az. “Bolt” taksi şirkəti sifarişlərin qiymətini 10% qaldırıb.

ABC.AZ xəbər verir ki, bununla bağlı məlumat sosial şəbəkədə yayılıb.

Məsələ ilə bağlı “Bolt” taksi şirkətinə sorğu ünvanlanıb.

Şirkətin səlahiyyətli nümayəndəsi sorğuya cavab olaraq qiymətin qalxması faktını təsdiqləyib. Onun sözlərinə görə, qiymət 10% yox, 9% qalxıb.

Açıqlamada qeyd olunur ki, qəbul olunan yeni qərara əsasən, istehsal tarixi 15 ildən artıq olan nəqliyyat vasitələrinin taksi minik avtomobilləri ilə sərnişindaşımalarında istismarı qadağandır. Bu səbəblə ili daha köhnə olan nəqliyyat vasitələrinə sistem üzərindən sifarişlərin verilməsi mərhələli şəkildə dayandırılır.

Oxu.az