20:19 - 5.02.2024
5 fevral, Fineko/abc.az. İran martın sonuna qədər Çin və Rusiya ilə birgə hərbi-dəniz təlimləri keçirməyi planlaşdırır.
ABC.AZ xəbər verir ki, bunu İran Hərbi Dəniz Qüvvələrinin Baş komandanı, kontr-admiral Şahram İrani deyib.
Onun sözlərinə görə, təlimlərin ilkin tarixi martın 19-na təyin edilib. İran tərəfi Rusiya və Çindən əlavə daha bir neçə ölkəni hərbi manevrlərdə iştirak etməyə dəvət edib.
“Təlimlər regional təhlükəsizliyin təmin edilməsi və ümumi maraqların reallaşdırılması məqsədilə keçiriləcək”, – deyə İrani qeyd edib.
