12:28 - 2.11.2023

---

2 noyabr, Fineko/abc.az. Azərbaycan2023-cü ilin üçüncü rübü ərzində BP şirkətinin işçiləri olan Azərbaycan vətəndaşlarının sayı 2 395 nəfər olub və bura müddətli müqavilə əsasında işləyən işçilər də daxildir.

ABC.AZ xəbər verir ki, bu barədə “BP Exploration (Caspian Sea) Limited” şirkətinin açıqlamasında qeyd edilib.

Bu da 2023-cü ilin üçüncü rübü ərzində 46 nəfər və ya 2 faiz artımdır.

2018-ci ilin ortalarından BP-nin ixtisaslı işçilərinin 90%-ni milli kadrlar təşkil edir. İxtisası olmayan işçilər isə 100% yerli vətəndaşlardan ibarətdir.