16:35 - 30.10.2023

---

30 oktyabr, Fineko/abc.az. “Araz Supermarket” MMC-nin dövlət qarşısında vergi borcunun olduğu məlum olub.

ABC.AZ xəbər verir ki, sözügedən məlumat Dövlət Vergi Xidmətinin informasiya bazasındakı rəqəmlərdən görünür. 

Məlumata əsasən, “Araz Supermarket” MMC-nin vergi borcu 3 761 722.12 manatdır. Bu vergi borcu 29.10.2023-cü il tarixinə olan məlumatdır.

Xatırladaq ki, “Araz Supermarket” MMC-nin nizamnamə kapitalı 7 055 020 manatdır və qanuni təmsilçisi Rəşad İbrahimovdur.