17:32 - 11.10.2023

---

11 oktyabr, Fineko/abc.az. 2023-cü ilin ilk 9 ayında Azərbaycan əhalisinin nominal gəlirləri 58 milyard 18.3 milyon manat təşkil edib.

Dövlət Statistika Komitəsindən ABC.AZ-a daxil olan məlumata görə, bu da illik müqayisədə 13.8 faiz artımdır.

Əhalinin hər nəfərinə düşən nominal gəlirlər 5 717.2 manat təşkil etməklə illik müqayisədə 13.1 faiz artıb.

Qeyd edək ki, 2023-cü ilin ilk 9 ayında illik inflyasiya 10.9% təşkil edib. Ərzaq inflyasiyası isə 12.4% olub.