17:24 - 13.09.2023

---

13 sentyabr, Fineko/abc.az. İlon Maskın sərvəti sentyabrın 11-də 17.9 milyard dollar (+ 7.14%) artaraq 216.9 milyard dollara çatıb.

ABC.AZ-ın xarici məlumata görə, artım “Morgan Stanley” “Dojo” superkompüterinin şirkətin bazar dəyərini təxminən 600 milyard dollar çoxalda biləcəyini açıqladıqdan baş verib.

Sözügrdən hadisədən sonra “Tesla” səhmləri gün ərzində 10.09% artıb.

“Morgan Stanley”in analitiki Adam Jonasın fikrincə, “Tesla”nın gəliri 2040-cı ildə əvvəllər proqnozlaşdırılan 157 milyard dollardan 335 milyard dollara yüksələcək.

Qeyd edək ki, Mask “Tesla”nın 23%-nə sahibdir. 2023-cü ilin ikinci rübünün sonunda şirkətin səhmləri demək olar ki, 10% ucuzlaşıb.

“Tesla” iyul ayında Çin istehsalı olan 64 285 elektrikli avtomobil satıb ki, bu da əvvəlki ayla müqayisədə 31% azdır. Sentyabrın sonunda şirkət yenilənmiş Model 3 avtomobilini təqdim edib.

Müəllif: Elmir Murad